Adega Tres Portas
Adega Tres Portas
Dámosvos a benvida a nosa Adega
A nosa adega é un recuncho onde o amor polo viño e o respecto pola tradición se entrelázan. Situada na emblemática rexión da Ribeira Sacra, convértese nunha homenaxe á rica herdanza vitivinícola da zona e un compromiso coa excelencia.
Convidámoste a mergullarte nunha experiencia vinícola inigualable. En Tres Portas, cada copa é unha celebración da vida, a terra e a tradición. Ven a descubrir a maxia dos viños galegos e do mundo, nunha contorna que valora a autenticidade e a calidade por encima de todo.
A nosa filosofía
En Tres Portas, apoiamos aos pequenos produtores que traballan con métodos biodinámicos e sostibles, sen o uso de químicos. Enorgullécenos presentar viños de viñedos que respectan a terra e promoven prácticas rexenerativas. O noso compromiso é dar visibilidade a estes artesáns do viño, garantindo que cada botella conte unha historia de autenticidade e coidado polo medioambiente.
A nosa excepcional carta de Viños
En Tres Portas, celebramos a diversidade e calidade dos viños galegos. A nosa carta de viños, coidadosamente seleccionada, ofrece máis de 200 referencias, cunha especial énfase nos viños locais. Más do 50% da nosa selección provén de pequenos viñedos de Galicia, algúns deles con producións limitadas a só 300 botellas.
Cada sorbo é unha experiencia única, unha testemuña da dedicación e paixón dos viticultores locais.
A nosa taberna é o lugar perfecto para os amantes do viño que desexan explorar sen compromiso. Ofrecemos unha extensa carta de viños por copa, con ao redor de 30 opcións que cambian diariamente. Mesmo podes optar por medias copas, permitíndoche degustar e descubrir novos sabores con cada visita.
O noso persoal, altamente formado no Instituto Galego do Viño, está sempre dispoñible para guiarche na túa viaxe enolóxica.Palabras descoñecidas
Os viños por copa da nosa Taberna
Un mundo de viños por descubrir
Aínda que a nosa alma está en Galicia, a nosa paixón polo viño non ten fronteiras.
Na nosa adega, tamén atoparás viños de renombradas rexións vinícolas do mundo, como Xerez, O Porto, Madeira, Champagne, Borgoña, Bordeus, Rioxa, etc.
A nosa carta rotacional asegura que sempre haxa algo novo e emocionante para descubrir, honrando a singularidade de cada rexión e cada produtor.
